Tung eygnalok

Tá ið vit gerast eldri, kann húðin á ovaru eygnalokunum gerast leysari og hanga niður. Hetta kann geva ymiskar trupulleikar, so sum at sjónarringurin kann verða ávirkaður, kensla av tungum eygnalokum og høvuðpínu

Viðger

Tað ber til at skurðviðgera eygnalokini, antin hjá plastikskurðlækna ella hjá eygnalæknunum. Um vissar treytir eru uppfyltar, so kann man fáa ávísing til hetta. 

Treytir til ávísing til skurðviðger

Sundhedsstyrelsen hevur gjørt leiðreglur, sum eisini verða brúktar hjá okkum:

• Um eygnaloki hongur so nógv, at tað er tætt upp á pupilluna (3 mm frá miðjuni í eyganum)
  

  ella
  
  

• Um tú hevur minst 2 symptom av tungum eygnalokum, harav annað í stóran mun

  • Tyngdarkenslu í eygnalokunum
  • Lyndi at leggja høvdið afturav, so eygnalokið ikki er í sjónsøkinum
  • Minking av sjónsøkinum
  • Høvuðpínu, tí man spennir vøddarnar í pannuni at lyfta eygnalokini upp
  • Irritatión og skriða í faldinum í eygnalokinum

Nær er tað kosmetiskt?

Um sjónin ikki er ávirkað ella man hevur onnur sjúkueyðkenni, verður tað roknað sum ein kosmetiskur trupuleiki. Í slíkum førum má ein sjálvur rinda fyri viðgerð hjá serlækna.

Hent at vita

• Evni | Sjúkur