Trupuleikar við rørslutólinum

Trupulleikar við rørslutólinum – t.d. vøddum, liðum og sinum – eru vanligir og kunnu raka fólk í øllum aldri. Teir kunnu koma av ítrótti, tungum arbeiði, vánaligari arbeiðsstøðu, ella av vanligum sliti.

Tað eru tvey høvuðslag av skaðum í rørslutólinum

Yvirbelastningsskaðar

Yvirbelastningsskaðar (ella á donskum "overbelastningsskader") koma vanliga spakuliga. Hetta eru smáskaðar, sum koma av, at tú hevur gjørt tað sama aftur og aftur – t.d. renning, arbeiði við nógari endurtøku av somu rørslu ella vánaligari kroppsstøðu í longri tíð.

Dømi um slíkar skaðar eru:

• Tennisalbogi

• Rennaraknæ

• Akslapína ella ryggjapínu

Brádliga íkomnir skaðar

Traumatiskir skaðar koma brádliga, ofta orsakað av einum óhappi ella óvæntaðari rørslu – t.d. ein bekling, eitt slitnað krossband ella brotið bein. 

Hvat gert tú?

Um tú hevur trupulleikar við rørslutólinum, kanst tú í fyrstu atløgu royna at:

• Hvíla ella broyta rørslu-/arbeiðsvanar

• Koyra kalt á økið (við akuttum skaða)

• Strekkja varisliga út

• Nýta hondkeypspínustillandi heilivág

• Gera venjingar, hygg inn á SportNetDoc

Pína ella avmarking í hvat tú klárar at gera, sum heldur fram uttan bata í fleiri dagar ella vikur, eigur at verða kannað nærri.

Bið um eina tíð um tú hevur tørv á hjálp at meta um støðuna og vísa víðari, um tørvur er á fysioterapi, røntgen ella serkønari viðgerð.

Hent at vita

• Evni | Sjúkur
• Leinki | Viðgerðarstovur á Streymoy | Fysioterapeutar við avtalu við Heilsutrygd | SportNetDoc