1. Heim
  2. Yngri læknar
  3. Tutor-í-fase-3

Tutor í fase 3

Tá tú, sum útbúgvingarlækni, nærkast fase 3 í høvuðsútbúgvingini, skalt tú sjálv/ur finna ein kommunulækna, sum kann verða tutor hjá tær.
Hendan mannagongd er vald, so tann yngri læknin hevur ávirkan á, hvar hann er síðsta árið í síni útbúgving. Tað kunna verða ymiskar umstøður sum gera, at ein ynskir ein tutor frammum ein annan. Td. um tú hevur verið hjá einum mannligum lækna í fase 1 og 2, so kann tað verða eitt ynski at royna ein kvinnuligan tutor. Geografi kann spæla inn í valið. Seráhugamál, so sum ítróttamedisin, smákirugi og ultraljóð kann gera at ein ynskir ein tutor, sum hevur UL, ger nógv smákirurgi ella er lækni hjá einum ítróttafelag.
Tá tú ert komin í gongd, so hugsa um hvat tú kundi hugsa tær. Snakka við tutor, AMU og hinar yngri læknarnar til týsdagsfundirnar. 
Tað er viðmælt, at tú ger hetta tíðliga í útbúgvingarforløbinum, td. meðan tú er á sjúkrahúspartinum, tí onnur størv (KBU, intro, fasa 1 og 2) verða sett leypandi, so tutorar kunna verða upptiknir eini tvey ár framm.

Mannagongdin er hendan:

  1. Hugsa um møguligar tutorar

    • Ger tær nakrar tankar um, hvønn tú kundi hugsa tær at hava sum tutor.

    • Tað er krav um at útbúgvingin er á 2 støðum, so tutor kann ikki verða í sama húsi, sum tutor fyri fasu 1 og 2. 

    • Tað er krav/ynskiligt at man hevur arbeitt í og uttanfyri Havnini. Um fasa 1 og 2 er í Havn, so er best um fasa 3 er uttanfyri Havnina ella umvent. Undantak kann tó gerst um KBU og/ella introduktiónsstarv hevur verið uttanfyri Havnina.

  2. Spyr AMU um tutorin

    • Áðrenn tú gert avtalu við viðkomandi lækna, skalt tú spyrja AMU  um viðkomandi lækni er tøkur og góðkendur sum tutor til fase 3.

  3. Spyr tutorin

    • Um AMU váttar, at læknin er egnaður og góðkendur, kanst tú seta teg í samband við hann og spyrja, um hann/hon er áhugað/ur í samstarvinum.

  4. Ger eina formella avtalu

    • Um báðir partar eru samdir, skulu tit hvør í sínum lag senda ein teldupost til turidhj@kl.fo, har tit váttað tykkara samstarv.

    • Telduposturin skal innihalda hvønn avtalan er ímillum, umframt byrjunar og endadato uppá avtaluna. 

    Hent at vita

    • Dagf. | 04.11.2025
    • Evni | HÚ

    Meira innan hetta evni

    img

    Læknavakt HÚ

    img

    Ikki kravd skeið - HÚ

    img

    Kravd skeið - HÚ

    img

    Målbeskrivelse fyri HÚ

    img

    Returdagar